Myunxenning "Bavariya" klubiga tegishli fransiyalik vinger Kingsli Koman faoliyatini Angliya Premyer-ligasining top-klubida davom ettirishi mumkin. Bu haqda Bild jurnalistlari xabar bermoqda.
Manbaga ko‘ra, hujumkor yarim himoyachining xizmatlariga "Liverpul" qiziqish bildirmoqda. Mersisaydliklar futbolchini kuzatib bormoqda, ammo hali muzokara boshlanmadi. Fransuzning nemis grandi bilan shartnomasi 2027 yilning yozida tugaydi.
Joriy mavsumda 28 yoshli yarim himoyachi Germaniya chempionatida 22 ta o‘yin o‘tkazdi. Koman 4 ta gol va 4 ta golli uzatmani o‘z hisobiga yozdirib qo‘ydi. Futbolchining transfer narxi 35 million yevroga baholanmoqda.
