«Динамо» жамоаси Суперлига 5-тури доирасида Самарқандда «Сўғдиёна»ни қабул қилади.

Жиззах вилоятининг бош жамоаси 2024 йилнинг сўнгги ўйинида Самарқандда «Динамо»га мағлуб (1:0) бўлиб, Суперлига бронза медалини қўлдан чиқариб, 4-ўринни эгаллаганди. Умуман олганда самарқандликлар бу рақибга қарши ўзаро ўйинларда устунликка эга: чемпионат тарихидаги ўзаро 44 ўйинда кўҳна шаҳар жамоаси 19 маротаба ғалабага эришган, 8 ўйинда дуранг, 17 баҳсда эса жиззахликлар устун келган. Тўплар нисбати ҳам «Динамо» фойдасига – 63:50.

«Динамо»нинг «Сўғдиёна»га қарши бу сафарги баҳси ҳам муросасиз ва курашларга бой ўтиши кутилмоқда. Жиззахдан ҳам мухлислар ташрифи режалаштирилган.

Суперлига. 5-тур.
12 апрел (шанба)
«Динамо» — «Сўғдиёна»
Ўйин вақти: 19:00
Самарқанд, «Динамо»
Транслцяция: Sport TV