«Dinamo» jamoasi Superliga 5-turi doirasida Samarqandda «So‘g‘diyona»ni qabul qiladi.
Jizzax viloyatining bosh jamoasi 2024 yilning so‘nggi o‘yinida Samarqandda «Dinamo»ga mag‘lub (1:0) bo‘lib, Superliga bronza medalini qo‘ldan chiqarib, 4-o‘rinni egallagandi. Umuman olganda samarqandliklar bu raqibga qarshi o‘zaro o‘yinlarda ustunlikka ega: chempionat tarixidagi o‘zaro 44 o‘yinda ko‘hna shahar jamoasi 19 marotaba g‘alabaga erishgan, 8 o‘yinda durang, 17 bahsda esa jizzaxliklar ustun kelgan. To‘plar nisbati ham «Dinamo» foydasiga – 63:50.
«Dinamo»ning «So‘g‘diyona»ga qarshi bu safargi bahsi ham murosasiz va kurashlarga boy o‘tishi kutilmoqda. Jizzaxdan ham muxlislar tashrifi rejalashtirilgan.
Superliga. 5-tur.
12 aprel (shanba)
«Dinamo» — «So‘g‘diyona»
O‘yin vaqti: 19:00
Samarqand, «Dinamo»
Translsyasiya: Sport TV
