"Реал" ёзги трансфер даврида янада кучаяди. The Athletic журналисти Марио Кортегананинг хабарига кўра, Мадрид жамоасининг бош мураббийи Карло Анчелоттига март ойида ёзда ўнг қанот ҳимоячиси Трент Александр-Арнольд жамоага қўшилиши ҳақида маълумот берилган.
Матбуот 26 ёшли Трентни анча вақтдан бери "Реал" билан боғлаб келмоқда. Мадрид клуби, ҳимоячи билан эркин агент сифатида бепул шартнома имзолайди. Бироқ, агар "қаймоқранглилар" келишувни тезлаштирмоқчи бўлса ва уни клублар жаҳон чемпионатидан олдин тузишни истаса, "Ливерпуль"га маълум миқдорда товон пули тўлашига тўғри келади.
Маълумки, клублар жаҳон чемпионатидан олдин, 1-10 июнь кунлари махсус трансфер ойнаси очилади.
