"Барселона" Испания кубоги финали учун чипталарни қайта сотишни қоралади.
Турнирнинг сўнгги ўйинида каталонияликлар 26 апрель куни Севилядаги "Ла Картуха" стадионида "Реал"га қарши майдонга тушишади.
Олдинроқ "Реал" ва "Барселона"га стадион сиғимининг 40 фоизи чипталар билан таъминланиши кераклиги хабар қилинганди. Бу ҳар бир томонда 26 031 нафар мухлис бўлишини англатади. Чипталар нархи 72 дан 270 еврогача.
"Барселона" Испания кубоги финали учун мухлислар клуби аъзоларига берилган чипталарни қайта сотиш ҳолатлари аниқланганини маълум қилди. Вазият ва ушбу чипталарни қайта сотиш аниқ тақиқланганлигини инобатга олган ҳолда, клуб чипталарнинг қонунийлиги ва тўғри ишлатилишини таъминлаш бўйича қатъий чоралар кўриши шарт.
Барча қайта сотилган чипталар автоматик равишда бекор қилинади ва энди "Ла Картуха" стадионига кириш учун ҳақиқий эмас деб ҳисобланади. Клуб барчага эслатиб ўтадики, чипталар шахсийлаштирилган ва уларни бир мобил қурилмадан бошқасига ўтказиб бўлмайди. Финал учун чипталарни сотиш тизими Испания футбол федерацияси томонидан тартибга солинади.
Талабларга жавоб бермайдиган ҳар қандай чипта ҳақиқий эмас деб топилади ва стадионга киришга рухсат берилмайди. Клуб қоидабузарлик аниқланган ҳар қандай шахс ёки ташкилотга нисбатан интизомий ёки қонуний чоралар кўриш ҳуқуқини ўзида сақлаб қолади", — дейилади "Барселона" баёнотида.
