Эртага Ислом Исмоилов бошчилигидаги Ўзбекистон ўсмирлар терма жамоаси Осиё чемпионати мусобақасининг чорак финалида БАА термаси билан куч синашишади. Мазкур ўйин олдидан, рақибимиз билан танишиб чиқамиз.
Бирлашган Араб Амирликлари терма жамоаси мусобақанинг Б гуруҳида иштирок этди ва 3 та ўйинда қуйидаги натижаларни қайд этди :
БАА 1:4 Япония
БАА 2:0 Австралия
БАА 1:1 Вьетнам
Жамоани айни пайтда маҳаллий мутахассис Мажид Салим Ал-Зааби бошқармоқда. Бу йилги Осиё чемпионати, ушбу мутахассиснинг дастлабки йирик мусобақаси ҳисобланади.
Жамоага жалб этилган футболчиларнинг 21 таси маҳаллий клубларда топ суришади. Шунингдек, БАА ўсмирлар термасига Мисрнинг «Ал-Аҳли» клуби футболчиси Абдулла Ҳатем ва Англиянинг «Арсенал» жамоаси аъзоси Жайден Адетибалар ҳам жалб этилишган.
