Лондоннинг "Тоттенхэм" клуби бош мураббийи Анге Постекоглу жамоа ҳужумчиси Матис Телнинг келажаги ҳақида гапирди.
Эслатиб ўтамиз, февраль ойида "Тоттенхэм" 19 ёшли французни Мюнхеннинг "Бавария" клубидан ижарага олган эди.
"Матис биз учун муҳим. Одамлар унинг "Бавария"да деярли ўйнамаганини унутиб қўйишади, биз эса уни дарҳол майдонга туширдик. Биз ҳақиқатан ҳам у бизга ёрдам бера олишига ишонамиз ва жисмонан у ҳозир анча яхши кўринади," - дея Постекоглунинг сўзларини келтиради журналист Фабрицио Романо.
"Шпорлар" таркибида Тел ўнта учрашувда қатнашиб, иккита гол урди.
