Шанба оқшомида "Арсенал" ва "Брентфорд" Премьер-лига доирасида 1:1 ҳисобида дуранг ўйнади. Ўйин охирида Лондон жамоаси ярим ҳимоячиси Жоржиньо жароҳат олди. Микель Артетада бошқа ўйинчи алмаштириш қолмаган эди, шунинг учун "канонирлар" ўйинни камчиликда якунлашди. Ўйиндан кейин Артета вазият ҳақида гапирди.
"Ҳозирча билмайман. Жоржиньо нафас ололмаётганини, бу қовурғалардан бири билан боғлиқ бўлиши мумкинлигини айтди. Бу ғалати, чунки Жоржиньо одатда ўйнашда давом этади. Бу жиддий нимадир содир бўлганини англатади," - деди Артета BBC Match of the Day нашрига.
"Арсенал" навбатдаги ўйинини 16 апрель куни Чемпионлар лигаси доирасида "Реал"га қарши ўтказади.
