"Интер" А Серияда кетма-кет 7 ўйиндан бери мағлубиятга учрамаяпти.
Бугун Симоне Индзаги жамоаси Италия чемпионатининг 32-турида "Кальяри"ни 3:1 ҳисобида мағлуб этди.
"Нерадзуррилар"нинг лига доирасидаги сўнгги мағлубияти 16 февраль куни қайд этилганди - "Ювентус"дан (0:1). Ўшандан бери миланликлар ушбу турнирда 5 та ғалаба ва 2 та дуранг қайд этишди.
Қолган турнирлар билан ҳисоблаганда миланликларнинг мағлубиятсиз серияси 12 ўйинга етди.
"Интер" 71 очко билан А Серия турнир жадвалида пешқадамлик қилмоқда ва захира ўйини бор "Наполи"ни 6 очкога ортда қолдирмоқда.
