"Inter" A Seriyada ketma-ket 7 o‘yindan beri mag‘lubiyatga uchramayapti.
Bugun Simone Indzagi jamoasi Italiya chempionatining 32-turida "Kalyari"ni 3:1 hisobida mag‘lub etdi.
"Neradzurrilar"ning liga doirasidagi so‘nggi mag‘lubiyati 16 fevral kuni qayd etilgandi - "Yuventus"dan (0:1). O‘shandan beri milanliklar ushbu turnirda 5 ta g‘alaba va 2 ta durang qayd etishdi.
Qolgan turnirlar bilan hisoblaganda milanliklarning mag‘lubiyatsiz seriyasi 12 o‘yinga yetdi.
"Inter" 71 ochko bilan A Seriya turnir jadvalida peshqadamlik qilmoqda va zaxira o‘yini bor "Napoli"ni 6 ochkoga ortda qoldirmoqda.
