"Байер" бош директори Фернандо Карро Флориан Вирцнинг келажаги ҳақидаги саволга жавоб берди.
Миш-мишлар доимо футболчини яқин орада клуб ўзгариши билан боғлайди. "Доришунослар"нинг 21 ёшли юлдузига асосий давогарлар "Бавария", "Манчестер Сити" ва "Реал Мадрид" клублари ҳисобланмоқда.
"Бавария биз билан боғландими? Йўқ. Флорианнинг қолиш эҳтимоли жуда юқори - унинг клубимиз билан шартномаси бор. Қатъий нарх ёки трансфер чегараси йўқ. Бундан ташқари, улар унга қизиқиш билдиришган бўлиши мумкин, лекин Флориан у ерга кўчиб ўтишни истамайди", - деди Карро.
Вирцнинг "Байер" билан амалдаги шартномаси 2027 йилнинг ўрталарига қадар тузилган. Transfermarkt ҳужумкор ярим ҳимоячининг нархини 140 миллион еврога баҳоламоқда.
