"Ливерпул"га тегишли бўлган аргентиналик ярим ҳимоячи Алексис Макаллистерга "Реал" қизиқиш билдирмоқда. Бу ҳақда Marca нашри маълум қилди.
"Реал" марказий ярим ҳимоячи хизматларига қизиқиш билдирмоқда. "Қироллик клуби" Алексиснинг жамоанинг ўйин услубига мос келишига ишончи комил. Макаллистернинг потенциал трансфери 90 миллион еврога баҳоланган.
Аргентиналик футболчи "қизиллар" билан 2028 йилнинг ўрталарига қадар шартнома имзолаган. Жорий мавсумда ярим ҳимоячи "мерсисайдликлар" сафида 44 та ўйинда иштирок этган. Алексис олтита гол ва тўртта голли узатмани амалга оширди.
