"Эвертон" "Ипсвич" ҳужумчиси Лиам Делап учун курашга қўшилди. Бош мураббийи Дэвид Мойеснинг фикрича, инглиз футболчиси жамоага жуда мос келади. "Эвертон" Делапнинг товон пули учун 30 миллион фунт тўлашга тайёр.
22 ёшли форвард 2024 йилнинг июлидан буён "Ипсвич"да ўйнамоқда. Унинг шартномаси 2029 йилнинг июнигача амал қилади.
Делап жорий мавсумда 33 та ўйинда майдонга тушиб, 12 та гол урди, 2 та голга ассистентлик қилди ва 10 та сариқ карточка олди. Transfermarkt портали инглиз футболчисини 35 миллион еврога баҳоламоқда.
Аввалроқ "Челси" ва "Манчестер Юнайтед" Делапни сотиб олмоқчи экани ҳақида хабар берилганди.
