"Реал"нинг сўнгги машғулотларидан бирида Антонио Рюдигер ва Жуд Беллингем ўртасида зиддият юзага келди.
Германиялик марказий ҳимоячи ва англиялик хавбек жума кунги машғулотларда ўзаро тортишиб қолди, деб хабар бермоқда журналист Эду Агирре. Бироқ, манба таъкидлаганидек, кўп ўтмай низо ҳал қилинди - ўйинчилар бир-бирларининг қўлларини сиқиб кўришдилар.
Якшанба куни Рюдигер ва Беллингем "қаймоқранглилар"га Ла Лига баҳсида "Алавес"ни мағлуб этишга ёрдам беришди (1:0). Антонио асосий таркибда майдонга тушиб, охиригача ўйнади, Жуд эса 63-дақиқада майдонга тушди.
