Лондоннинг "Арсенал" клуби вингери Букайо Сака клуб билан янги узоқ муддатли шартнома имзолаши мумкин.
23 ёшли футболчининг пойтахт гранди билан амалдаги келишуви 2027 йилнинг ярмигача мўлжалланган. Маълумки, "тўпчилар" раҳбарияти инглизнинг ўйинларидан қониқиш ҳосил қилган ва у билан янги битим тузиш ниятида. Инсайдер Николо Скиранинг хабар беришича, томонлар шартномани узайтиришга яқинлашиб қолган. Шартнома 2030 йилгача мўлжалланган бўлиши кутилмоқда.
Букайо Сака жорий мавсумда Микель Артета жамоаси сафида барча мусобақаларда 28 та ўйинда 10 та гол ва 14 та голли узатмани амалга оширди.
