Tuttosport хабарига кўра, "Тоттенхэм" айни дамда "Ювентус"да ижарада ўйнаётган "Челси" ҳимоячиси Ренату Вейга хизматига қизиқиш билдирган. 21 ёшли португалиялик учун лондонликлардан ташқари "Брайтон" ҳам даъвогарлик қилмоқда.
"Челси"да футболчи деярли ўйин амалиётига эга бўлмади, аммо А Серияда ишончли ўйин намойиш этмоқда. Лондонликлар унинг трансфери бўйича тахминан 28 миллион евролик таклифларни кўриб чиқишга тайёр - гарчи январь ойида у учун 33 миллион сўраган бўлса-да.
Футболчи чап қанот ҳимоячиси сифатида ҳам, марказий ҳимоячи сифатида ҳам ҳаракат қилиши мумкин, бу эса уни "Тоттенхэм" ёки "Брайтон" учун универсал вариантга айлантиради. Бироқ, "Ювентус" ҳам португалияликни мавсум якунлангач сотиб олиш имкониятини истисно қилмаяпти ва ҳозирда италияликлар эҳтимолий битим шартларини ўрганмоқда.
Қўшимча қиламизки, Вейга бу мавсумда "Ювентус" сафида барча мусобақаларда 9 та ўйинда майдонга тушишга улгурди.
