Леверкузеннинг "Байер" клуби бош мураббийи Хаби Алонсо "Реал"да Карло Анчелоттининг ўрнини эгаллаши мумкин.

Миш-мишларга кўра, "қироллик клуби" жорий мавсум якунлангач, италиялик мутахассис билан хайрлашиш имкониятини кўриб чиқмоқда ва унинг ўрнига асосий номзод айнан Алонсо бўлиб турибди. Инсайдер Фабрицио Романонинг маълум қилишича, испаниялик мураббий ҳақиқатан ҳам "Реал"ни бошқаришни истайди - масала фақат бу қачон амалга ошишида. Мутахассис бир кун келиб Мадрид гранди сафига қайтишни орзу қилади. Шу сабабли у ўтган йили бошқа клубларнинг таклифларини рад этганди.

Хаби Алонсонинг "Байер" билан шартномаси 2026 йилнинг ярмигача мўлжалланган.