"Арсенал" ярим ҳимоячиси Жоржиньо Чемпионлар лигаси чорак финалидан ўрин олган Испаниянинг "Реал" жамоасига қарши жавоб ўйинини жароҳат туфайли ўтказиб юборади.
Жоржиньо ўтган шанба куни АПЛ доирасида "Арсенал"нинг "Брентфорд"га (1:1) қарши ўйинида "Эмирейтс" майдонини эрта тарк этди.
Ўшанда "Арсенал" бош мураббийи Микель Артета бешта ўзгаришнинг барчасидан фойдаланиб бўлганди, шу боис "канонирлар" ўйинни 10 киши бўлиб якунлади.
BBC хабарига кўра, 33 ёшли Жоржиньонинг қовурғасидан жароҳат олгани гумон қилинмоқда, шу боис тажрибали футболчи "Арсенал"га "Бернабеу"да ёрдам бермайди.
Шу билан бирга, "Арсенал"нинг яна бир ярим ҳимоячиси Томас Парти жароҳат олиб, шифокорлар назоратида бўлиб турибди.
