Мадриднинг "Атлетико" клуби бош мураббийи Диего Симеоне "Вальядолид" устидан қозонилган 4:2 ҳисобидаги ғалабадан сўнг ўз фикрларини билдириб ўтди.

"Севилья" билан ҳам худди шундай вазият содир бўлди. Пенальти ва жарима тўпидан рекошет - бахтсиз ҳодисалар эди. Деярли ҳеч нарса содир бўлмаган бир пайтда Ленгленинг тирсаги учун белгиланган пенальти ва ўша жарима зарбасини муҳокама қилишга ҳам арзимайди. Лекин энг муҳими жамоанинг реакцияси: Жулиано ишлаган пенальти, унинг голи ва кейин биз иккинчи бўлимда бироз пасайиб кетдик. Ҳимояланиши керак бўлган жамоа учун бўлимнинг 15-дақиқасидан сўнг ўйин бизнинг сценарий бўйича ўтди: кўпроқ таваккал, ўрта масофадан зарбалар, рақибга қийинроқ бўлди ва охирги ярим соат давомида биз ўйинни тўлиқ назорат қилдик.

Осон ўйинлар йўқ. Ўйинда ҳар доим қийин дақиқалар бўлади: пенальтилар, рикошетлар билан жарима зарбалари. Футбол кутмайди - сиз ҳар куни бор кучингизни беришингиз керак ва бугун биз буни уддаладик", - деди Симеоне.

Эслатиб ўтамиз, ўтказилган 31 ўйиндан сўнг “Атлетико” 63 очко билан Испания чемпионати турнир жадвалида учинчи ўринда бормоқда. Иккинчи ўриндаги “Реал” 66 очкога эга бўлса, биринчи ўриндаги “Барселона” 70 очкога эга.