Madridning "Atletiko" klubi bosh murabbiyi Diyego Simeone "Valyadolid" ustidan qozonilgan 4:2 hisobidagi g‘alabadan so‘ng o‘z fikrlarini bildirib o‘tdi.
"Sevilya" bilan ham xuddi shunday vaziyat sodir bo‘ldi. Penalti va jarima to‘pidan rekoshet - baxtsiz hodisalar edi. Deyarli hech narsa sodir bo‘lmagan bir paytda Lenglening tirsagi uchun belgilangan penalti va o‘sha jarima zarbasini muhokama qilishga ham arzimaydi. Lekin eng muhimi jamoaning reaksiyasi: Juliano ishlagan penalti, uning goli va keyin biz ikkinchi bo‘limda biroz pasayib ketdik. Himoyalanishi kerak bo‘lgan jamoa uchun bo‘limning 15-daqiqasidan so‘ng o‘yin bizning ssenariy bo‘yicha o‘tdi: ko‘proq tavakkal, o‘rta masofadan zarbalar, raqibga qiyinroq bo‘ldi va oxirgi yarim soat davomida biz o‘yinni to‘liq nazorat qildik.
Oson o‘yinlar yo‘q. O‘yinda har doim qiyin daqiqalar bo‘ladi: penaltilar, rikoshetlar bilan jarima zarbalari. Futbol kutmaydi - siz har kuni bor kuchingizni berishingiz kerak va bugun biz buni uddaladik", - dedi Simeone.
Eslatib o‘tamiz, o‘tkazilgan 31 o‘yindan so‘ng “Atletiko” 63 ochko bilan Ispaniya chempionati turnir jadvalida uchinchi o‘rinda bormoqda. Ikkinchi o‘rindagi “Real” 66 ochkoga ega bo‘lsa, birinchi o‘rindagi “Barselona” 70 ochkoga ega.
