"Малага"нинг чап қанот вингери Антонио Кордеро тез орада Англиянинг "Ньюкасл" клуби футболчисига айланади. Бу ҳақда нуфузли инсайдер Фабрицио Романо хабар бермоқда.
Манбага кўра, томонлар аллақачон 18 ёшли испаниялик футболчининг трансферини ёпган ва тез орада бу ҳақда эълон қилади. Таъкидланишича, Кордеронинг хизматларига "Реал" ва "Барселона" қизиқиш билдирган, аммо футболчининг ўзи "Ньюкасл"га ўтишга қарор қилган.
Жорий мавсумда Кордеро Испания Сегундасида 32та ўйинда майдонга тушиб, бешта гол урди ва олтита ассистни ўз ҳисобига ёздириб қўйди. Transfermakrt экспертлари футболчининг нархини икки миллион еврога баҳоламоқда.
