Жорий мавсумда "Галатасарой"да ижара асосида ўйнаган "Наполи"нинг юлдуз ҳужумчиси Туркияда қолиши мумкин.
Истанбул клуби вице-президенти Иброҳим Хатипоғлу Виктор Осимхенни жамоада олиб қолмоқчи. У 26 ёшли нигерияликнинг келажаги борасида якуний қарорни яқин келажакда қабул қилишини айтганига қарамай, бу сценарийга оптимистик қарайди.
"Унинг сўзлари унинг "Галатасарой"дан кетишини англатмайди. Кетган тақдирда ҳам бу клуб юрагида қолишини айтди. Лекин кетаётганини айтмади. Унинг биз билан қолишини истаймиз", - деди Хатипоғлу.
Виктор жорий мавсумда “Галатасарой” сафида 33 та ўйинда майдонга тушиб, 29 та гол урди ва 6 та голли узатмани амалга оширди.
