Fichajes'нинг сўзларига кўра, Альфонсо Дэвис "Бавария" билан шартномасини узайтиргач, "Реал" эътиборини "ПСЖ"дан Нуну Мендешга қаратган. Келишувга шахсан Флорентино Перес бошчилик қилмоқда ва клубга 70 миллион еврога тушиши мумкин.
Футболчига қизиқиш янгилик эмас. Мадрид икки йилдан бери Мендешни устувор мақсад сифатида кўрмоқда ва Дэвис билан музокаралар муваффақиятсизликка учрагач, унинг номзоди яна долзарб бўлиб қолди. Мендеш 22 ёшида ҳам Лига 1'да ҳам, Европа аренасида юқори савияни намойиш этиб бўлди.
"ПСЖ" Мендеш билан шартномани 2030 йилгача узайтирган бўлса-да, музокаралар бутунлай силлиқ кечмади.
Ушбу мавсумда португалиялик "ПСЖ" сафида барча турнирлар доирасидаги 37та ўйинда 5та гол ва 5та голли узатмага муаллифлик қилган.
