Нидерландия терма жамоаси ва Бразилиянинг "Коринтианс" клуби форварди Мемфис Депай ўз интервьюсида футболчи сифатидаги сўнгги орзуси терма жамоа сафида ЖЧ-2026да ғалаба қозониш эканлигини тан олди.

"Футболчи сифатидаги сўнгги орзум? Жаҳон чемпионатида ғолиб бўлиш. 2014 йилда Бразилияда жуда яқин эдик.

Мен келажакда ҳам янги авлодни илҳомлантиришни истайман. Уларга майдонда ҳам, ундан ташқарида ҳам ўзлигини сақлаб қолиш муҳимлигини кўрсатиш. Ўзига ишонган бўлиш, ўзгалар фикрига эътибор бермаслик, ўз характерига эга бўлиш. Биз шундай менталитетга эга бўлган футболчилар билан янги даврга қадам қўймоқдамиз ва мен бунга ўзимча кичик ҳисса қўшганимга ишонаман," - деди Депай.

Қўшимча қиламизки, Депай ўтган йилнинг сентябрь ойида жамоага келиб қўшилганидан сўнг, "Коринтианс" сафида барча мусобақаларда 33 та ўйинда майдонга тушиб, 10 та гол урган ва 12 та голга ҳаммуаллифлик қилган.