"Реал" ҳужумчиси Килиан Мбаппе дисквалификация қилинди. Marca хабарига кўра, Испания қироллиги футбол федерациясининг интизом қўмитаси дисквалификациянинг энг кам муддатини танлади - бир ўйинга.
Қайд этилишича, "Алавес" - "Реал" учрашуви ҳаками баённомада Мбаппе қўпол қоида бузганини кўрсатган. Бундай формулировкани ҳисобга олганда, француз бир ўйиндан уч ўйингача дисквалификация қилиниши мумкин эди. Жазо минимал даражада бўлди.
Дисквалификация туфайли Килиан Мбаппе Ла Лиганинг навбатдаги турида "Атлетик"ка қарши ўйинда "Реал"га ёрдам бера олмайди. Ўйин 20 апрель, якшанба куни бўлиб ўтади.
