Мадриднинг “Реал” клуби афсонаси Серхио Рамос Мексикадаги меҳмонхоналардан бирининг олдида мухлислар билан қаттиқ тортишиб қолди.
39 ёшли футболчи айни дамда Мексика олий лигасида "Монтеррей" жамоасида тўп тепмоқда.
Испаниянинг AS нашри таъкидлаганидек, Рамос "Тигрес"дан учралган мағлубиятда клубнинг майдондаги ўйинидан нолиётган "Монтеррей" мухлислари билан мунозарага киришган.
2005-2021 йиллар оралиғида ҳимоячи "Реал" сафида 671 та ўйинда 101 та гол урган. У Испания пойтахтида беш марта Ла Лига, шунингдек, тўртта Чемпионлар лигаси, икки марта Испания кубоги, тўртта Испания Суперкубоги, учта УEФА Суперкубоги ва тўрт марта ФИФА клублар ўртасидаги жаҳон чемпионатида ғолиб чиқди.













