Madridning “Real” klubi afsonasi Serxio Ramos Meksikadagi mehmonxonalardan birining oldida muxlislar bilan qattiq tortishib qoldi.

39 yoshli futbolchi ayni damda Meksika oliy ligasida "Monterrey" jamoasida to‘p tepmoqda.

Ispaniyaning AS nashri ta’kidlaganidek, Ramos "Tigres"dan uchralgan mag‘lubiyatda klubning maydondagi o‘yinidan noliyotgan "Monterrey" muxlislari bilan munozaraga kirishgan.

2005-2021 yillar oralig‘ida himoyachi "Real" safida 671 ta o‘yinda 101 ta gol urgan. U Ispaniya poytaxtida besh marta La Liga, shuningdek, to‘rtta Chempionlar ligasi, ikki marta Ispaniya kubogi, to‘rtta Ispaniya Superkubogi, uchta UEFA Superkubogi va to‘rt marta FIFA klublar o‘rtasidagi jahon chempionatida g‘olib chiqdi.