Лондоннинг "Арсенал" клуби дарвозабони Давид Райя ҳимоячи Якуб Кивиорнинг ўйини ҳақида ўз фикрлари билан ўртоқлашди.
Польшалик футболчи "канонирлар"нинг асосий таркибида жароҳат сабаб майдонга туша олмаган Габриэль дос Сантосни алмаштирди.
"Кивиорнинг яхши ўйини мени ҳайратда қолдирмади, чунки унинг нималарга қодирлигини биламан. Ишончим комилки, у Габриэлнинг ўрнига муносиб ўринбосар бўлади.
Бунда мен учун ажабланарли жойи йўқ.
У аввалги ўйинларда жуда яхши ўйнади ва машғулотларда доимо ўзини кўрсатиб турарди. У муваффақиятга эришиши вақт масаласи эди", - дейди Райя.
