Мадриднинг "Реал" клуби ярим ҳимоячиси Жуд Беллингем Чемпионлар Лигаси 1/4 финалидан ўрин олган Лондоннинг "Арсенал" клубига қарши жавоб ўйини олдидан матуот анжуманида иштирок этди.

"Бугун биз биринчи ўйинда кўрсатганимиздан ҳам кўпроқ нарсани кўрсатишимиз керак. Биз қатъийроқ ўйнашимиз керак, ўйин нимани талаб қилишини яхшироқ тушуниб, ўтишларда самаралироқ бўлишимиз керак - бунинг бир нечта жиҳати бор. Биз анча яхши ўйнашимиз мумкинлигини биламиз. Йўқотиш ёмон, лекин ундан сабоқ олмаслик бундан ҳам ёмон. Биз жамоага ва ўз имкониятларимизга ишонишимиз керак" - деди Беллингем УЕФА расмий сайтига.