"Pinatar Arena Center" стадиони ва Мурсия вилояти футбол федерацияси ҳамкорлигида ташкил этилган жаҳоннинг учта ёшлар терма жамоаси иштирокидаги халқаро турнирда кеча Ўзбекистон ўз иштирокини якунлади.

Аҳмаджон Мусаев шогирдларининг навбатдаги учрашувда Испания ёшларига 2:3 ҳисобида имкониятни бой бергани ҳақида хабар берганиб ўтгандик.

Маълум бўлишича, илк гол терма жамоамизнинг бурчак зарбасидан кейин урилган. Шундан сўнг танаффусга ғолиб бўлиб чиқиб кетган ҳамюртларимиз учрашувга қўшиб берилган иккинчи дақиқада жарима зарбасидан кейин ўз дарвозаларидан тўп ўтказиб юбориб, мағлубиятга учрадилар.

Испания U20 - Ўзбекистон U20 - 3:2 (0:1)
Мурсия, Испания. "Pinatar Arena" стадиони. 3000 томошабин.
Испания (майдонга тушган барча футболчилар): Ортола, Жони, Дерик, Льоренте, Гая, Хайро, Кампания, Акетхе, Жесси Родригес, Денис Суарес, Алкасер, Сотрес, Оливьер Торрес, Бернат, Делофе, Исра, аул Ньигес, Рубен Гарсия, Сузо, Манквилло.
Ўзбекистон: Омонов, Собирхўжаев, Убайдуллаев, Йўлдошев, Раҳмонов, Тўропов, Сергеев, Фомин, Искандаров, Шамсиддинов, Махсталиев (Юсупов).
Голлар: Сузо (60), Рубер Гарсия (65), Алкасер (90+2) - Йўлдошев (44), Раҳмонов (70).
Огоҳлантириш: Фомин (Ўзбекистон).
Ҳакам: Гальего Гамбин.

Шу тариқа, Туркиядаги жаҳон чемпионатига тайёргарлик кўраётган Ўзбекистон ёшлар терма жамоаси ҳар иккала учрашувда мағлубиятга учради. Аввал пенальтилар серияси, кейин эса сўнги сонияларда ўтказиб юборилган голлар туфайли. Мусобақа ғолиби эртага икки пешқадам - Испания ва Чили ёшлари ўртасидаги ўйиндан сўнг маълум бўлади.

10 июнь. Чили - Ўзбекистон - 2:2 (Пенальтилар серияси - 9:8)
12 июнь. Испания - Ўзбекистон - 3:2
14 июнь. Испания - Чили - -/-