Марокаш терма жамоаси бош мураббийи Валид Реграгуи Ламин Ямални жамоага таклиф қилган.

Эслатиб ўтамиз, "Барселона"нинг 17 ёшли вингерининг отаси марокашлик.

"Ламин Ямал - авлод юлдузи. Биз уни Марокашда ўйнашга ишонтиришга ҳаракат қилдик, аммо у Испанияни танлади ва биз унга омад тилаймиз. Унинг ёшида қилган ишлари ақл бовар қилмайди.

Мен Ламин Ямал билан тўғридан-тўғри гаплашдим ва у менга ва Марокаш футбол федерациясига нисбатан ҳалол эди. Биз ҳамма нарсани синаб кўрдик, Марокаш билан амалга оширган лойиҳамиз ҳақида, мамлакатимизда бўлиб ўтадиган Африка кубоги ҳақида, 2030 йилги жаҳон чемпионати ҳақида, мамлакатнинг Ламинга боғлиқлиги ҳақида гаплашдик... Лекин бу йигит ҳеч қачон ёлғон гапирмаган.

У билан гаплашгандан 2-3 кун ўтгач, у менга қўнғироқ қилди ва ҳурмат билан айтди: "Жаноб, сизнинг меҳрибонлигингиз учун раҳмат, лекин мен Испанияни танлайман. Мен ўзимни испанияликдек ҳис қиламан". У жуда ҳалол бола", деди Реграгуи.