"Бавария" ҳужумчиси Томас Мюллер клуб сафида Чемпионлар лигасидаги сўнгги учрашувини ўтказди. Мюнхенликлар чорак финалнинг икки учрашувида миланнинг “Интер”ига умумий ҳисобда мағлуб бўлишди (3:4).
Ўйиндан сўнг журналистлар Жошуа Киммихдан Мюллернинг “Бавария” билан Чемпионлар лигасидаги хайрлашув ўйинига изоҳ беришни сўрашди.
"Биз ҳаммамиз бир кун келиб сўнгги ўйинимизни ўтказамиз. Албатта, Томаснинг сўнгги ўйини бизни чиқиб кетишимиз билан якунлангани ачинарли. Мен унинг кетишидан олдин уй финалида ўйнашини жуда хоҳладим, лекин афсуски, бундай бўлмайди", - деди Киммих.
Мюллер мавсум якунланганидан кейин “Бавария”ни эркин агент сифатида тарк этади.
