“Барселона” шу ҳафтада “Боруссия Дортмунд” устидан умумий 5:3 ҳисобида ғалаба қозониб, Чемпионлар лигаси ярим финалига йўлланмани қўлга киритди.
"Барселона"нинг "Интер"га қарши биринчи ўйини 30 апрель куни, жавоб баҳси эса 6 май куни бўлиб ўтади.
"Барселона" учун ушбу синовнинг энг қийин томони шундаки, клуб "Интер"га қарши жавоб ўйинидан икки кун олдин, 4 май куни "Реал Вальядолид"га қарши ўйнаши керак.
Шу мақсадда Ла Лига "Вальядолид"га қарши учрашувни бошқа вақтга кўчириш орқали "Барселона"га ёрдам бермоқчи, деб хабар беради COPE.
Хабарга кўра, "Барселона"нинг "Вальядолид"га қарши ўйини 3 майга кўчирилиши мумкин, шу сабабли каталонияликлар "Интер"га қарши жавоб ўйинига тайёргарлик кўриш учун қўшимча дам олиш кунларига эга бўлишади.
