"Ливерпуль" марказий ҳимоячиси Виржил ван Дейк клуб билан шартномасини узайтириш борасидаги ҳис-туйғулари билан ўртоқлашди. Олдинроқ мерсисайдликлар матбуот хизмати голландиялик футболчи 2027 йилгача мўлжалланган шартнома имзолагани ҳақида хабар берганди.
"Мен жуда хурсандман, жуда фахрланаман. Ҳозир бу ҳақда гапирганимда, бошимдан жуда кўп ҳиссиётлар ўтади. Бу ғурур туйғуси, бу қувонч ҳисси. Бу ақл бовар қилмайдиган нарса. Фаолиятим давомида қилган ишларим ва бу клубда уни яна икки йилга узайтиришим ажойиб бўлди", - дея ван Дейкнинг сўзларини келтиради "қизиллар" матбуот хизмати.
Ҳимоячи 2018 йилдан буён “Ливерпуль” сафида ўйнайди. Бу вақт ичида у 314та ўйин ўтказиб, 27та гол урди ва 13та голли узатмани амалга оширди.
