"Liverpul" markaziy himoyachisi Virjil van Deyk klub bilan shartnomasini uzaytirish borasidagi his-tuyg‘ulari bilan o‘rtoqlashdi. Oldinroq mersisaydliklar matbuot xizmati gollandiyalik futbolchi 2027 yilgacha mo‘ljallangan shartnoma imzolagani haqida xabar bergandi.

"Men juda xursandman, juda faxrlanaman. Hozir bu haqda gapirganimda, boshimdan juda ko‘p hissiyotlar o‘tadi. Bu g‘urur tuyg‘usi, bu quvonch hissi. Bu aql bovar qilmaydigan narsa. Faoliyatim davomida qilgan ishlarim va bu klubda uni yana ikki yilga uzaytirishim ajoyib bo‘ldi", - deya van Deykning so‘zlarini keltiradi "qizillar" matbuot xizmati.

Himoyachi 2018 yildan buyon “Liverpul” safida o‘ynaydi. Bu vaqt ichida u 314ta o‘yin o‘tkazib, 27ta gol urdi va 13ta golli uzatmani amalga oshirdi.