Луис Энрике "Интер"га ўтишга тайёр.
Милан клубининг "Марсель" вингери билан шахсий шартномаси шартлари бўйича музокаралари юқори босқичда, дея хабар беради Фабрицио Романо. Бразилиялик футболчи ўтишга қизиқмоқда. Унга Мюнхеннинг "Бавария" клуби ҳам қизиқиш билдирмоқда.
"Нерадзуррилар" Франция клуби билан трансфер борасида ҳам музокаралар олиб боришмоқда. "Марсель" бонуслар билан бирга 30-35 миллион евро сўраяпти, "Интер" эса 10 миллион евро кам таклиф қилмоқда.
Маттео Мореттонинг ёзишича, футболчи аллақачон трансферга рози бўлган.
Луис Энрике Лига 1нинг жорий мавсумида 29 та ўйинда майдонга тушиб, 7 та гол урди ва 5 та голли узатмани амалга оширди.













