Luis Enrike "Inter"ga o‘tishga tayyor.

Milan klubining "Marsel" vingeri bilan shaxsiy shartnomasi shartlari bo‘yicha muzokaralari yuqori bosqichda, deya xabar beradi Fabrisio Romano. Braziliyalik futbolchi o‘tishga qiziqmoqda. Unga Myunxenning "Bavariya" klubi ham qiziqish bildirmoqda.

"Neradzurrilar" Fransiya klubi bilan transfer borasida ham muzokaralar olib borishmoqda. "Marsel" bonuslar bilan birga 30-35 million yevro so‘rayapti, "Inter" esa 10 million yevro kam taklif qilmoqda.

Matteo Morettoning yozishicha, futbolchi allaqachon transferga rozi bo‘lgan.

Luis Enrike Liga 1ning joriy mavsumida 29 ta o‘yinda maydonga tushib, 7 ta gol urdi va 5 ta golli uzatmani amalga oshirdi.