"Милан" мавсум охирида "Манчестер Сити"дан Кайл Уокер билан шартномани сотиб олишга тайёр.
Бу ҳақда La Gazzetta dello Sport хабар бермоқда.
"Россонерлар" раҳбарияти футболчининг жорий мавсумдаги ҳиссасидан мамнун ва 33 ёшли ҳимоячининг ҳуқуқларини тўлиқ сотиб олиш имкониятини кўриб чиқмоқда.
Томонлар англиялик футболчининг келаси мавсум учун таркибда бўлишини таъминлаш учун яқин вақт ичида музокараларни бошлаши кутилмоқда.
Уокер қишда "россонерлар"га ижара асосида ўтган ва барча турнирларда 12 та ўйинда гол урмаган.
32-турдан кейин "Милан" 51 очкога эга ва А Серия турнир жадвалида 9-ўринда бормоқда.
Эслатиб ўтамиз, Кайл Уокер яқинда жарроҳлик амалиётини бошдан кечирди, шу сабаб у 2024/25 йилги мавсумнинг қолган қисмида майдонга тушмаслиги мумкин.
