Франциянинг "ПСЖ" клуби вингери Брэдли Барколя фаолиятини Испания чемпионатида давом эттириш вариантига эга. Бу ҳақда Todofichajes портали журналистлари хабар бермоқда.
Манбага маълум бўлишича, 22 ёшли ҳужумкор ярим ҳимоячининг трансферига Каталониянинг "Барселона" клуби қизиқиш билдирмоқда. Футболчининг трансфер нархи 70 миллион еврога баҳоланмоқда. Баркола ва парижликлар ўртасидаги амалдаги меҳнат шартномаси 2028 йил июнь ойи охирида тугайди.
Ярим ҳимоячи жорий мавсум Франция чемпионатида 28 та ўйинда майдонга тушди. Брэдли 13 та гол ва 9 та ассистни ўз ҳисобига ёздириб қўйди.
