"Барселона" бош мураббийи Ханс-Дитер Флик Чемпионлар Лигаси чорак финалида "Боруссия" Дортмундга (3:1) ютқазгани учун жуда ғазабланган. Футболчилар ўзларининг даҳшатли даражада ёмон ўйинларини тан олишди.
Mundo Deportivo нашри хабарига кўра, ўйин арафасида 60 ёшли мутахассис жамоани ғалаба учун ўйнашга ундамоқчи бўлган ва биринчи ўйиндаги ғалабали натижани (4:0) унутишга уринган, бироқ барибир ўйин давомидаги хатолар сонидан ҳайратда қолган, шу боис у яна қатъий интизомни қайтаришни режалаштирмоқда. "Кўк-анорранглилар" устози "Сельта" ва "Мальорка"га қарши ўйинларда ғалаба қозониб, жамоага ўз кучига бўлган ишончни қайтариш ва "Реал"нинг Ла Лигада уларга яқинлашишига йўл қўймаслик учун ҳаракат қилмоқда.
Эслатиб ўтамиз, "Барселона" Чемпионлар лигаси ярим финалида "Интер"га қарши баҳс олиб боради. Ўйинлар 30 апрель ва 6 май кунлари бўлиб ўтади.
