"Реал Сосьедад" ярим ҳимоячиси Мартин Субименди яқинлашиб келаётган трансфер ойнасида "Реал Мадрид"га ўтиш ҳақида ўйламоқда. "Қаймоқранглилар" раҳбарияти футболчи билан боғланиб, дастлабки музокараларни ўтказди.
Айни дамда 26 ёшли футболчи фаолиятини Мадридда давом эттириш вариантини устувор деб ҳисобламоқда, деб ёзади журналист Санти Ауна ижтимоий тармоқларида.
Жорий мавсумда ярим ҳимоячи сифатида ўйнаган Мартин барча турнирларда 42 та ўйин ўтказиб, 2 та гол урди ва 2 та голли узатмани амалга оширди.
