"Real Sosyedad" yarim himoyachisi Martin Subimendi yaqinlashib kelayotgan transfer oynasida "Real Madrid"ga o‘tish haqida o‘ylamoqda. "Qaymoqranglilar" rahbariyati futbolchi bilan bog‘lanib, dastlabki muzokaralarni o‘tkazdi.
Ayni damda 26 yoshli futbolchi faoliyatini Madridda davom ettirish variantini ustuvor deb hisoblamoqda, deb yozadi jurnalist Santi Auna ijtimoiy tarmoqlarida.
Joriy mavsumda yarim himoyachi sifatida o‘ynagan Martin barcha turnirlarda 42 ta o‘yin o‘tkazib, 2 ta gol urdi va 2 ta golli uzatmani amalga oshirdi.
