"Байер" ярим ҳимоячиси Гранит Джака Истанбулнинг "Галатасарой" клубига ўтиши мумкин. Бу ҳақда журналист Флориан Плеттенберг ижтимоий тармоқда бўлишди.
Қайд этилишича, "шерлар" тажрибали футболчи трансферини амалга оширишга жиддий бел боғлаган. Томонлар ўртасида аллақачон дастлабки музокаралар бўлиб ўтган. Бироқ, трансферни амалга ошириш жуда осон бўлмайди.
Джака Лондоннинг "Арсенал" жамоасини тарк этганидан кейин "Байер"даги иккинчи мавсумини ўтказмоқда. Ўтган мавсумда Гранит "доричилар" билан Бундеслига чемпионлигини қўлга киритди. Швейцариялик футболчининг "Байер" билан амалдаги шартномаси яна 3 йилга мўлжалланган.
