"Арсенал"нинг АПЛ доирасида "Ипсвич Таун"га қарши ўйини олдидан бош мураббий Микель Артета лигада қолиш учун курашаётган бўлажак рақиблари ҳақида ўз фикрлари билан ўртоқлашди.
"Мен улар ҳозир қаерда ва ўз уйларида ўйнашаётганини тушунаман. Бу биз учун катта ўйин, ҳеч бўлмаганда ўз позициямизни сақлаб қолиш учун Премьер-лигада ғалаба қозонишни бошлашимиз керак.
"Ипсвич" жуда яхши ташкил этилган жамоа. Улар рақибга қанчалик муаммо туғдираётганини ҳар ҳафта кўриб турибсиз, шунинг учун бизни қийин ўйин кутмоқда”, - деди мутахассис.
"Ипсвич" - "Арсенал" учрашуви 20 апрель куни бўлиб ўтади.
