Миланнинг "Интер" клуби собиқ ҳужумчиси Алдо Серена жамоасининг ЕЧЛ ярим финали доирасидаги "Барселона"га қарши ўйинлари тўғрисида ўз фикрларини билдирди.
"Барселона"га қарши ўйинда, менимча, "Интер"да имконият бор.
Мен "Боруссия Дортмунд" – "Барселона" учрашувини таҳлил қилдим. "Барселона" жуда баланд ҳимоя чизиғи билан ўйнайди, рақибга босим қилади ва ҳимояда муаммо туғдиради.
Бироқ улар орқада жуда кўп бўш зоналарни қолдиради — бу эса уларга қарши ўйнайдиган ҳужумчилар учун катта имкон.
Маркус Тюрам бу мавсум жуда яхши ривожланди. Унинг тезлиги ва ҳаракатчанлиги "Интер" учун ҳал қилувчи қурол бўлиши мумкин", - деди 64 ёшли мутахассис.
