Маркус Баббел "Бавария" раҳбариятининг Томас Мюллерга муносабатини танқид қилди.
Аввалроқ, 35 ёшли ярим ҳимоячи мавсум якунида мюнхенликлар клубини тарк этишини маълум қилганди. Январь ойида клуб унга янги шартнома таклиф қилмади.
"У фаолиятининг охиригача Мюнхенда қолишни истарди. Бироқ клуб уни энди аввалгидек кучли эмас деб ҳисоблайди.
"Бавария" унга янги шартнома таклиф қилмасликка қарор қилганига қарши эмасман. Мен буни тушунаман, у 35 ёшда. Аммо бу қандай амалга оширилганлиги мутлақо бемаъниликдир. "Бавария"га хос эмас.
Сизда тарихдаги энг зўр ўйинчилардан бири бор ва сиз унга муносиб таклиф бера олмайсиз. Клуб олқишлар билан хайрлашиши керак эди", – деди мюнхенликлар собиқ ҳимоячиси.
