Мадриднинг "Реал" клуби якшанба куни Ла Лига 32-туридан ўрин олган "Атлетик"ни ўз майдонида қабул қилади.
Беллашув Тошкент вақти билан 00:00 да бошланиши режалаштирилган. Marca хабарига кўра, "қаймоқранглилар" сафида Тибо Куртуа, ҳимояда Фран Гарсия, Антонио Рюдигер, Рауль Асенсио ва Федерико Вальверде ҳаракат қилади. Ярим ҳимоя марказида Лука Модрич, Орельен Тчуамени ва Эдуардо Камавинга, юқорироқда Жуд Беллингем жойлашади. Ҳужумчилар ўрнини Родриго ва Винисиус Жуниор эгаллайди.
Эслатиб ўтамиз, Килиан Мбаппе дисквалификация туфайли учрашувни ўтказиб юборади. Манбага кўра, Карло Анчелотти ўтган мавсумда жамоага муваффақият келтирган формацияга қайтади.
