Мадриднинг "Атлетико" клуби бош мураббийи Диего Симеоне "Лас-Пальмас"дан учралган мағлубиятдан (0:1) кейин жамоасининг ўйинига баҳо берди.
"Матрасчилар" кутилмаганда Ла Лига аутсайдерларидан бирига имкониятни бой бериб қўйди ва сўнгги дақиқаларда гол ўтказиб юборди.
"Гап кайфиятда эмас - шунчаки ёмон ўйнадик. Ўйинни тўғри йўлга қўя олмадик. Ечим топишга ҳаракат қилиб, ўзгартиришлар киритдим, лекин ҳеч нарса чиқмади. Ҳа, муаммо ишга бўлган муносабатда эмас, балки ёмон ўйинда," - дея Симеоненинг ўйиндан кейинги интервьюсидаги сўзларини келтиради испан ОАВ.
