"Манчестер Сити" ярим ҳимоячиси Кевин де Брюйне клубнинг у билан шартномани узайтирмаслик қарори у учун шок бўлганини тан олди. Бельгиялик футболчининг сўзларига кўра, у ҳали юқори савияда ўйнашга тайёр.
"Бу вақтда оилам уйда йўқ эди, бироз ғалати бўлди. Мен "Манчестер Сити" директорларига ҳали кўп ишлар қилишим кераклигини ҳис қилаётганимни айтдим. Мен ҳозир 25 ёшда эмаслигимни биламан, лекин ўз ишимни қила олишимни ҳис қиляпман," - деб де Брюйненинг сўзларини келтиради Goal портали.
Июнь ойи охирида Кевин де Брюйне 34 ёшга тўлади. Аввалроқ бельгиялик футболчи фаолиятини Англия Премьер-лигасининг бошқа клубида давом эттириши мумкинлигини айтганди.
