"Бавария" ҳужумчиси Харри Кейн мусобақада 60 та гол урган энг тез футболчи бўлиб, Германия Бундеслигаси рекордини ўрнатди. Бунга эришиш учун 31 ёшли футболчига 60 та учрашув керак бўлди.

Англиялик форвард 65 ўйинда 60 марта рақиблар дарвозасини ишғол қилган "Боруссия Дортмунд"нинг собиқ ҳужумчиси Эрлинг Холанднинг ютуғидан ўзиб кетди.

Кейн Бундеслиганинг 30-турида “Хайденхайм”га қарши ўйинда (0:4) ўзининг 60-голини киритди.

Форвард 2023 йилнинг ёзида “Тоттенхэм”дан “Бавария”га ўтган эди. Умуман олганда, бу даврда у барча турнирларда 88 та учрашувда қатнашиб, 80 та гол урди ва 24 та голли узатмани амалга оширди.